4.04.2013

Spring Fashion Trends 2013



وبدينا فـصل جديد مع تـريندز جديدة ! غالبا فصل الربيـع دايم يطلع معاه تريندز جديدة ومليانة طبعات ملونة ، بس هالسنة الـورد و المـخطط اكتسح السوق بشكل كبير و شفناهم في أسبوع الموضة بتصاميم متنوعة ، طيب يالله نبدأ نتكلم بأهم التريندز الـدارجة لفصل الربيع ٢٠١٣ :



Stripes المــخطط
أتوقع إذا قلنا مـخطط أول شي راح يخطر على بالنا فستان " أوسـكار دي لارينتــا " اللي لفت أنظار الكثير على الرن وي ومن بعدها صرنا نشوف المـخطط في كل مكان بالسوق ، هي طبعة تحتاج تكونين مـتأنية وما تتسرعين في اختيارها لأنه لو اخترتي التقليمة الغلط راح تـشوه جسمك بشكل مو حلو ، مثلا لو كنتي عريضة تجنبي تلبسين المخطط بالعرض ، إذا كانت سيقانك مليانة حاولي تتجنبي لبس المخطط أو تلبسي المخطط بخطوط صغيرة ، وهكذا تنسيقها أغلبها راح يكون مع قطع سادة ! إلا في حاله لو حابه تغامرين و تدمجين قطعتين مخططة مع بعض أو مع طبعات مختلفة و هنا راح يكون الشطاره في الـستايلنق 


...................


Florals المــورّد 
هذي أكثر تريند أسـاسية أخذت حقها لفصـل الربيـع ، الطبعات الموردة شفناها في الفساتين - الجينزات - التيشيرتات وكمان دخلت بالإكسسوارات زي تاج الـورد ، و مثل كلامي في الطبعات المخططة ممكن تنسقينها مع قطع سادة ولو حابة جـرأة أكثر تنسقينها مع طبعات مختلفة ، مرره أنثوية الطبعة وتزيد طلتك روح في الألوان المتداخلة بس نصيحة لا تبالغين في لبس الاكسسوارات معها عشان ما يطلع اللوك تبعك زحمه ..


...................


Ruffles الكشكشة
أتعب وأنا أقول كـم جمـيلة هذي التريند وتعطي لوك نعوم وكيوت ! ممكن تكون الكشكه ناعمة وخفيفة مثل الفستان الباستيل اللي في الصورة وممكن تكون بشكل أكبر ، أشهر مصمم أتقنها بشكل حلو هو Lanvin  بعض الصور لفساتينه هـنا ، هذي التريند أعتقد راح نشوفها كثير في فساتين المناسبات لأنها تعطي فخامة للفستان وبنفس الوقت البساطة 


...................



Statement Sunglasses نـظارات الـستيتمنت
نجي للإكـسسوار " نـظارات الـستيتمنت " شفناها كثير في الستريت ستايل و ممكن تكون بالإطارات العريضة الملونة ، أو بالتصاميم الغريبة ، أو مصممة بقطع الزينة مثل الكريستال أو الورود ، النظارات هذي راح تعطيك طلة غير أكيد ، هـنا الجميله قورجس تكلمت عن نظارات الورد وكيف تسوينها بنفسك 



...................


 Low heels الـكعب القصير
أريح تـريند نزلت لهذا الموسم ! الكعب القصير طوله ما يتجاوز الـ ٤ ســم وراح يحبونها البنات : اللي ما يحبون يلبسون الكعب العالي  أو البنت العملية اللي تحب تلبس الكعب للدوام ، أكثر من مصمم اعتمدها في أسبوع الموضة مثل لـويس فويتون و دولتشي آند قابانا وخاصة الكعب العريض ، أعتقد شكلها حلو وتناسب اللوك الكلاسي كثير 



...................



وبــكذا تقريبا غطيت أكثر التريندز الدارجة لفــصل الربيع و أرجع و أقول من المهم  إنك تختارين منها اللي يناسب جسمك ..
 كمان إذا عندك تريند عاجبتك لا تنسين تشاركينها معنا بالتويتر أو بالكومنت تحت



7 comments:

  1. i disliked the low heels trend :(
    coz am a big fan of high heels
    y36eeki el 3afia <3

    ReplyDelete
  2. مششششگوره يالغلآ على الترند الفاشن
    فآدني ككثيراً جدا وحبيت كم موديل فيهآ
    سبحان الله العظيم

    ReplyDelete
  3. حبيت البوست حسيته مرجع للشوبنق بالربيع
    حابة اضيف ترند الي هيا الطبعات او البرنتز الي بالابيض والاسود غير المخطط طبعا كثير اشوفها بالسوق
    شكرا على البوست الجميل

    ReplyDelete
  4. مساء الخير
    مشكورة يعطيك العافية عالبوست استفدت منه
    صدق بعض الاشياء ترجع موضتها بسرعه خاصة المخطط
    والكعب القصير الاسود اللي بصورتك كنت بشتري زيه بالضبط ومااكنت ادري انها موضة

    مرة ثانية شكرا

    ReplyDelete
  5. بوست جميييل جميييل حبيته واجد ومن جد اول ماشفت ترند الكشكشه قلت لانفين يبدع مرا بالكشكش واحب تصاميمه فيه *.*

    ReplyDelete
  6. بوست جميل جدا ،، حابه اقول شغله انا دمجت فستان مقلم بلوزه فوقه كلها ورود وطلع اللوك حلو ..
    فكيت شعراتي وكنت حابه احط ورده بس ماعندي خخخخخ
    بس جد المقلم مع المورد مرا جميل
    وايضا المنقط مع المورد جميل

    ReplyDelete
  7. يعطيك العااافيه بجددد روووعه

    ReplyDelete