4.30.2013

Find the perfect jeans



الجــينز من القطع الأسـاسية في دولاب كل بنت مريح وعملي وتقدري تلبسينه في أي وقت ومكان والأهم من كذا إنه موضته أبدا ما تخلص ، لكن إيجاد الجـينز المنـاسـب بالتأكيد يشكل تحدي كبير .. يحتاج صبر وطولة بـال و يمكن يروح يومك كامل في غرف القياس لحد ماتلقين المقاس المناسب لك ، بس أهم شي عشان تختاري الجينز اللي يناسبك تاخذي بالاعتبار مقاس الخصر و وزنك و طول قامتك 


..............

راح أذكر بعض النقاط المهمة اللي لازم تنتبهين لها عند شراءك الجينز :

  •  المـقاس Size 
 أصعب مرحلة هي إيجاد المقاس المناسب ولا تقولي أنا قياسي موحد مايختلف لا غلط ! النوعية والماركة تختلف .. ممكن تلبسين مقاس ١٢ في ماركة وماركة ثانية تلبسي مقاس ١٠ ، الافضل إنه يساعدك أحد في المحل يعطيك القصة المناسبة والمقاسات القريبة منك 

  • الطول Length
من المهم إنه الجينز يكون طوله مضبوط ، ماتبين يكون طويل بزيادة وتسحبين كل غبار الارض اللي تمشين عليه ، وكمان ماتبين يكون قصير وشكله يصير غلط .. إذا احتجتي تقصينه وتعدلينه حطي في بالك الشوز اللي راح تلبسينه معه وكمان إنه مع الغسيل راح ينكمش نص إنش من طوله الأصلي 

  •  قصة الخصر Rise
قصة الخصر تفرق بشكل كبير مثلا إذا كان طول الخصر قصير تحتاجين قصة الخصر تكون منخفضة لتوازن الطول وتبينه طويل أكثر ، إذا كان خصرك طويل تحتاجين قصة خصر عالية ، لازم ننتبه كمان إذا كان عندك زوائد عالجنبين " مفن توب " تحتاجين قصة خصر عالية عشان ما تطلع عالجوانب ويخفيها 

  • التفاصيل Details
التفاصيل الصغيرة ( الجيوب - الأزرار ..) لها تأثير حقيقي على الجينز وتأثر على طلتك بشكل كبير ، مثلا حجم الجيوب لو كانت صغيرة تجعل الأرداف تبدو بشكل أكبر والجيوب المبالغ في حجمها تعطي مظهر عريض ، إذا كنتي مليانة في منطقة البطن يفضل إنك تتجنبين الجينز ذو الأزرار الأمامية وتختارين اللي يغلق بسحاب 

  • اللون Color 
من المعروف إنه كل ما اخترتي الألوان الفاتحة راح تزيد من وزنك وتبين العيوب أكثر ، أما الألوان الغامقة راح تزيدك رشاقة وتبينك أنحف فحاولي توازنين بين الإثنين وتختارين الأفضل لك

  • الموديل Style
إذا كنتي تحاولين تقررين بين موديل الجينز الواسع ، الضيق ، مستقيم الساق أو الشارلستون شي أساسي أولا إنك تعرفين طبيعة جسمك و إيش يناسبه من قصات و وموديلات ، مثلا الجسم الرفيع أو الطويل يحتاج جينز تكون القصة واسعة من تحت حتى يوازن مظهر الجسم وهكذا 

..............


 إذا عرفتي هذي النقاط متأكدة راح تلقين الجينز المناسب لك 
إن شا الله أفادكم الموضوع 



10 comments:

  1. الجينز .. الصعب السهل
    أتمنى ألقى منه شي مناسب لي بعد نصائحك المفيدة
    تحياتي
    خبطه http://khab6ah.wordpress.com

    ReplyDelete
  2. روعه البوست استفدت منه مره
    طيب ابرار وش افضل ماركه تشترين منها جينز .. انا اخذ من مانقو وغاب عادة حلوين مره
    يعطيك الف عافيه حبيبتي

    ReplyDelete
    Replies

    1. حبيبتي نوره تسلمين
      Levis و calvin klien ديزل و
      مرره حلوه جينزاتهم وعندهم قصات كثيره دايم اخذ منهم

      Delete
  3. طبعا مفيد ابرار يعطيك العافية ياجميلة

    ReplyDelete
  4. بوست مميز و نصائح مفيدةاستفدت منها كثير
    شكراً أبرار
    ♥♥♥

    ReplyDelete
  5. مرا مفيد مشكوره قلبي

    ReplyDelete
  6. مراااا البوست مفيد وحلو ماشاء الله متكامل
    محتاجة دعمك في نشر مدونتي الجديدة
    :-)
    أول تجربة ليا في عالم التدوين اتمنى تزوروني وتدعموني بارائكم واقتراحاتكم
    اول تدوينه هي عباره عن ريفيو مكياج نمبر سفن من بووتس
    http://murmur111.blogspot.com/
    شكرااااا لكم ياحلوات :-)

    ReplyDelete
  7. أول تجربة ليا في عالم التدوين اتمنى تزوروني وتدعموني بارائكم واقتراحاتكم
    اول تدوينه هي عباره عن ريفيو مكياج نمبر سفن من بووتس
    http://murmur111.blogspot.com/
    شكرااااا لكم ياحلوات :-)

    ReplyDelete
  8. نسيتي شغله,السكيني جينز مايناسب جميع الاجسام,بعض الممتلئات او كلهن يُفضل ان مايلبسنه,الأفضل يختارون قصه ستريت,او بوت كت,عشان تعطي توازن وماتصير مليانه من فوق وصغيره مره من تحت

    ReplyDelete
  9. استفدت يكثر من البوست
    لان اتعب لما ادور على جينز مناس على جسمي

    ReplyDelete