Review : Clarisonic Mia

اليوم حابه أتكلم عن جهاز انتشر بشكل كبير الفترة الاخيرة هو خاص  لتنظيف الوجه اسمه " كلارسونيك " قبل ما أشتريه  قريت ريفيوز عنه كثير لاني صراحة ما حبيت أغامر خاصة إنه سعر الجهاز مو رخيص بس كل اللي قريت عنه كان مدح ماكان فيه تعليقات سلبية عن الجهاز أبد!! هذا اللي حمسني فيه لها ٤ أنواع  ..  أشتريت Clarisonic Mia اللي هي أصغر حجم.. لي شهر أستخدمها جدا جدا جميلة اكتشفت إنه مزيل الميك أب أو مناديل تنظيف الميك أب ما تشيل شي أبدا .

قررت أول استخدام لي يكون بعد ما أمسح المكياج من وجهي بمزيل الميك أب والمناديل المنظفة أشوف فيه أثر للمكياج و تنظف من هذي الأشياء ولالا! لكن الصدمة كانت من بعد ما نظفت وجهي بــ كلارسونيك طلعت الفرشة بنية من دون مبالغة 

الجهاز يجي معه شاحن وغسول ممكن تستغنين عن الغسول اللي يجي معه وتستخدمين الغسول  اللي دايم تستخدمينه .. حبيت الشاحن بشكل مغناطيس

لها ألوان كثيرة ..هذي ألوانها

هنا نوع الفرش اللي ممكن تستخدميها بالجهاز وخاص لكل نوع بشرة 

الطريقة :

تبللين الفرشة بالمويه و تحطين الغسول على وجهك أو تحطينها على الفرشة وتحركين الجهاز بشكل دائري على كل جزء من وجهك هنا فيديو للتوضيح .. مدة التنظيف دقيقة الجهاز من نفسه راح يوقف بعد دقيقة.

المميزات :

- ينظف البشرة بشكل عميق 

- خفف المسام الموجودة في الوجه 

- يصفي الوجه وراح يفرق معك كثير

- ملمس بشرتي صار ناعم مرة 
- ضد الموية تقدري تستخدميها إذا تحممتي 

العيوب :

- شحن الجهاز يحتاج ٢٤ ساعة عشان يشحن 
- سعر مبالغ فيه

التقييم :
١٠/١٠  وأنصح فيه 

أي سؤال أو استفسار اسألوه تويتر أو آسك

السعر : ١١٩ دولار

تقدرين تطلبينه من موقعهم الاساسي

www.clarisonic.com